Roboti virtual me inteligjencë artificiale, ChatGPT, ka mbi një orë që është jashtë funksionit. Përdoruesit po marrin një mesazh se platforma ka telashe, duke i ftuar ta raportojnë problemin.
“Shumica e ChatGPT, API dhe Sora janë jashtë funksionit për disa orë dhe na vjen keq për problemet që po shkaktohen. E kemi identifikuar problemin dhe keni nisur rregullimin. Shpresojmë të kthehemi sa më parë”, thuhet në reagimin e OpenAI në X.
Edhe Downdetector, ku përdoruesit i raportojnë problemet e uebsajteve, e ka regjistruar këtë rënie. ChatGPT është përballur me disa probleme së fundmi.
Muaj më parë nga kompania amerikane është tërhequr inxhinierja shqiptare Mira Murati.
Ajo ka dhënë kontribut të madh si drejtoreshë brenda kompanisë.
