Kompania teknologjike Apple ka humbur vendin e parë si prodhues i telefonave, duke u renditur nën Samsungun.
Kjo ndodhi për shkak të rënies së dërgesave të iPhonet, raportoi të hënën Reuters.
Dërgesat e smartfonëve të Applet kanë rënë rreth 10 për qind në tremujorin e parë të këtij viti.
Dërgesat globale të smartfonëve janë rritur për 7.8 për qind në 289.4 milionë njësi gjatë periudhës janar-mars. Samsungu ka 20.8 për qind të tregut, duke zënë vendin e parë të prodhuesit të telefonave.
Rënia e madhe e shitjeve të prodhuesit të iPhone vjen pas performancës së tij të fortë në tremujorin e dhjetorit, kur e kaloi Samsungun si prodhuesi numër 1 i telefonave në botë. Tani është rikthyer në vendin e dytë, me 17.3 për qind të tregut.
Xiaomi, një nga prodhuesit kryesorë të smartfonëve në Kinë, zuri vendin e tretë me një pjesë tregu prej 14.1% gjatë tremujorit të parë.
Rënia e iPhonet ndodhi edhe për shkak të sfidave me të cilat përballet firma amerikane në tregun e saj në Kinë, ku shumë institucione kanë kufizuar përdorimin e pajisjeve Apple për punonjësit.
