Kampioni në fuqi i turneut Grand Slam “Australian Open, Jannik Sinner, i ka lënë prapa shqetësimet fizike dhe fitoi ndaj Alex de Minaurit, për të avancuar në gjysmëfinale të garës.
Sinneri luajti i sëmurë në meçin e kaluar, ndërsa të mërkurën fitoi 6:3, 6:2 dhe 6:1 ndaj bartësit të tetë, De Minaur.
Italiani 23-vjeçar do të ballafaqohet me amerikanin Ben Shelton në gjysmëfinale të premten.
22-vjeçari Shelton u kualifikua në gjysmëfinale të kësaj gare për herën e parë, pasi fitoi 6:4, 7:5, 4:6 dhe 7:6 ndaj italianit Lorenzo Sonego.
Në gjysmëfinalen tjetër takohen Novak Gjokoviqi kundër Alex Zverevit.
