Kampioni në fuqi i Kosovës, Rahoveci, është fitues i Superkupës “Izet Gjinovci” te hendbollistët.
Hendbollistët e Rahovecit të shtunën mbrëma në palestrën “Mizahir Isma”, fituan ndaj Kastriotit të Ferizajt me rezultatin 38:34.
Pjesën e parë, Rahoveci e fitoi me rezultatin 22:18, por pjesa e dytë ishte dramatike.
Kastrioti madje në një periudhë të lojës krijoi epërsi prej tri golave, 28:25.
Megjithatë, Rahoveci shfaqi më shumë dhe nuk lejoi befasi, për ta fituar trofeun e dytë të këtij viti, dhe të parin në Superkupën e Kosovës.
Edicioni i sivjetmë i Superkupës është quajtur “Izet Gjinovci”, për ta nderuar ish-sekrektarin e përgjithshëm të Federatës së Hendbollit të Kosovës.
Tani vëmendja do të bartet te nisja e edicionit të ri të Superligës së Kosovës në hendboll, ku pritet garë shumë e fortë.
