Drin Shaqiri i njohur me nofkën “Makazze”, që cilësohet prej lojtarëve më me prespektivë në botën e Counter-Strike 2, do të jetë përkrah katër yjeve të Bad News Eagles që do ta përfaqësojnë Kosovën në Kampionatin Evropian të Esports, i cili do të mbahet në Prishtinë nga 9 deri më 13 korrik.
“Makazze” është pjesë e ekipit të njohur Navi Jr.
Bashkë me të pjesë e Kosovës do të jenë edhe Flatron Halimi (juanflatroo), Dionis Budeci (sinopssyy), Genc Kolgeci (gxx) dhe Sener Mahmuti (SENER1).
Pjesë e Bad News Eagles ishte edhe Rigon Gashi (rigoN), i cili nuk dihet pse nuk është pjesë e formacionit.
