Hendbollistët e rinj të Kosovës e kanë zhvilluar të martën ndeshjen e tretë në kuadër të Kampionatit Mesdhetar që po mbahet në Ankara të Turqisë.
Kosova U18 u mposht thellë, 25:12 nga Turqia U18.
Periudha e parë prej 15 minutash ishte shumë e dobët për Kosovën U18, që humbi 10:1. Periudha e dytë përfundoi 10:4 për Turqinë, ndërsa të tretën e fitoi Kosova, 7:5.
Të hënën, Kosova U18 kishte fituar ndaj Malit të Zi dhe ndaj Irakut.
Të mërkurën i ka dy ndeshje tjera shumë të vështira, me Rumaninë dhe me Kroacinë.
