Kampionia në fuqi, Peja, do të startojë prej gjysmëfinales në plejofin e Superligës së Kosovës në basketboll.
Peja e siguroi pozitën e dytë me fitoren e arritur të mërkurën mbrëma ndaj Bashkimit.
Ndeshja në “Karagaçi” ishte e vlefshme për xhiron e fundit të stinorit të rregullt dhe përfundoi 85:79 për ekipin pejan.
Peja përfundon në pozitën e dytë me 47 pikë.
47 pikë mund t’i bëj edhe Ylli, nëse mposht Trepçën të enjten.
Por Peja ka bilanc 3:1 ndaj Yllit këtë edicion dhe do të jetë në pozitën e dytë.
Ndërkohë Bashkimi përfundon i gjashti me 39 pikë dhe do të luaj në çerekfinale të plejofit me Golden Eagle Yllin.
Jimmy Hall udhëhoqi Pejën me 19 pikë, pesë kërcime e katër asistime.
Jetmir Zeqiri i kishte 15 pikë e katër asistime.
Te Bashkimi, Lejson Zeqiri i kishte 21 pikë e shtatë kërcime.
