LeBron James ka thyer tjetër rekord duke u bërë basketbollisti me më së shumti minuta të luajtura në ligën NBA.
Këtë sukses, Jamesi e arriti duke e ndihmuar skuadrën e tij Los Angeles Lakers në fitoren ndaj Sacramento Kingsit 113:100, të enjten pas mesnate.
39-vjeçari e kaloi Kareem Abdul-Jabbarin.
James tani ka 57 mijë e 447 minuta të kaluara në parket.
Jamesi më herët gjatë këtij viti e kaloi Abdul-Jabbarin edhe në listën e koshashënuesve më të mirë të ligës NBA.
Në ndeshjen e fundit, Jamesi i shënoi 19 pikë, ndërsa bashkëlojtari i tij, Austin Reaves, udhëhoqi ekipin me 25 pikë.
Në ndeshjen tjetër, qendra Nic Claxton i Brooklyn Netsit është përjashtuar nga loja pasi e ka hedhur një top në drejtim të shikuesve, në fitoren 101:94 ndaj Toronto Raptors.
Claxton ishte i inatosur pasi në të ishte shkaktuar ndërhyrje e palejuar.
Zach LaVine i shënoi 36 pikë në fitoren 117:108 të Chicago Bullsit ndaj Boston Celticsit. Për Bullsin ishte fitorja e tretë rresht, ndërsa LaVine shtoi edhe gjashtë kërcime e katër asistime.
Ylli francez, Victor Wembanyama, i shënoi 42 pikë në fitoren e San Antonio Spursit 133:126 ndaj Atlanta Hawks, në vazhdime, kurse Shai Gilgeous-Alexander pati 35 pikë në fitoren 105:99 ndaj Oklahoma City Thunder ndaj Orlando Magic.
Fitore në ndeshjet e fundit shënuan edhe Memphis Grizzlies, Neë York Knicks dhe Houston Rockets.
