KHF Istogu është klubi më i mirë i vitit 2024 në Kosovë në konkurrencë të femrave.
Istogu për herë të pestë shpallet klub i vitit te sportistet nga KOHA.
Istogu ka fituar titullin e kampionit të Kosovës dhe u mposht në finale të Kupës së Kosovës. Por në Kupën Evropiane e kaloi një raund garash dhe kjo bëri dallimin me skuadrat e tjera konkurrente.
Istogu u shpall klubi më i mirë në konkurrencë me klubin e futbollit Mitrovica, klubin e basketbollit Bashkimi, klubin e volejbollit Drita dhe klubin e hendbollit Ferizaj. Mitrovica, Bashkimi e Drita janë klube kampione, derisa Ferizaj fitoi Kupën.
Çmimi për klubin më të mirë të vitit i është dorëzuar trajnerit të KHF Istogu, Faruk Shala.
