Vëmendja ishte në palestrën “Bill Clinton” në Ferizaj, ku të dielën u zhvillua derbi i hendbollisteve.
Ferizaj e mposhti kampionin në fuqi, Istogun, me rezultatin 33:31. Ndeshja ishte e fortë, por ferizajaset në pjesën e dytë nuk e lëshuan asnjëherë epërsinë.
Salemateu Camara e Guinesë udhëhoqi Ferizajn drejt fitores, duke i realizuar 10 gola.
Dhjetë gola për Istogun i shënoi Lana Paviçeviq.
Një javë më parë Ferizaj kishte mposhtur Istogun edhe në ndeshje për Superkupë.
Te hendbollistët derbi mes Besa Famgasit dhe Rahovecit zhvillohet të hënën mbrëma në Pejë.
