Armando Broja ka munguar te Fulhami edhe në ndeshjen ndaj Sheffield Unitedit.
Broja nuk ishte fare në këtë listë, ndërsa trajneri i skuadrës, Marco Silva, ka thënë se ky ka qenë “vendim teknik”.
Fulhami, megjithatë, arriti të marrë një pikë në udhëtimin e vështirë te Sheffield Unitedi në kuadër të xhiros së 30-të të Premier Leagues.
Ndeshja e zhvilluar të shtunën u mbyll 3:3.
Ben Brereton Diaz në minutën e 58-të shënoi për 1:0.
Shifrat i barazoi Joao Palhinha në minutën e 62-të.
Në minutën e 68-të dhe të 70-të, Oliver McBurnie dhe Diaz, shënuan dy gola tjerë për epërsinë 3:1 të vendësve.
Xhamajkani Bobby De Cordova-Reid e ngushtoi epërsinë në minutën e 86-të, kurse sulmuesi Rodrigo Muniz realizoi supergol në minutën e 93-të për rezultatin përfundimtar.
Sheffield Unitedi, pavarësisht fitores, mbetet në vendin e fundit me 15 pikë.
Fulhami ka 39 pikë në mesin e tabelës.
