Ka nisur ceremonia The Best, përmes së cilës FIFA i shpall më të mirët e vitit në futboll.
FIFA për herë të nëntë i shpall më të mirët.
Vjet më i miri u shpall Lionel Messi, që ishte befasi e madhe.
Ceremonia ka nisur në ora 18:00 në Doha të Katarit.
Vinicius Jr, futbollisti më i mirë i vitit
Sulmuesi i Real Madridit, Vinicius Jr, është shpallur futbollisti më i mirë i vitit 2024 sipas FIFA-s.
Vini Jr e fitoi çmimin The Best.
Ky është edicioni i nëntë i çmimeve The Best të FIFA-s.
Viniciusi e pranoi çmimin në Doha të Katarit.
Ancelotti, trajneri më i mirë i vitit
Carlo Ancelotti është shpallur trajneri më i mirë i vitit nga FIFA.
Ancelotti ka udhëhequr Real Madridin drejt Championsit dhe La Ligas.
Ancelotti, si asnjë prej fituesve të tjerë, është në ceremoninë e FIFA-s në Doha të Katarit.
Xhaka nuk zë vend në njëmbëdhjetëshen më të mirë
Granit Xhaka ishte kandidat për njëmbëdhjetëshen më të mirë të vitit sipas FIFA-s.
Por Xhaka nuk është përzgjedhur në ekipin më të mirë.
Sipas FIFA-s, në 11-shen më të mirë hyn Vinicius JR, Erling Haaland, Lamine Yamal, Toni Kroos, Rodri, Jude Bellingham, William Saliba, Ruben Dias, Antonio Rudiger, Dani Carvajal, Emiliano Martinez.
Emiliano Martinez, portieri më i mirë i vitit
Portieri i Argjentinës dhe Aston Villas, Emiliano Martinez është shpallur më i miri i vitit nga FIFA.
Martinez vazhdon të jetë prej portierëve më të mirë në botë.
Bonmati, futbollistja më e mirë e vitit
Futbollistja e Spanjës dhe Barcelonës, Aitana Bonmati është shpallur më e mira e vitit.
Ajo e fitoi çmimin The Best, që e ndan FIFA.
Bonmati ka pasur një vit shumë të suksesshëm.
Marta e fiton çmimin “Marta”
FIFA ka krijuar çmimin “Marta” për golin më të mirë të vitit nga futbollistet.
Dhe pikërisht braziliania Marta, emrin e së cilës e mban çmimi, e fitoi atë.
Ceremonia e FIFA-s po zhvillohet me shumë gabime teknike dhe lëshime të tjera.
Elena Sadiku nuk shpallet trajnerja më e mirë, çmimi për Emma Hayes
Elena Sadiku ishte e nominuar për trajnere të vitit në futbollin e femrave nga FIFA.
Por trajnerja kosovare e Celticut nuk e fitoi çmimin.
Në ceremoninë The Best, trajnerja më e mirë e futbollisteve u shpall Emma Hayes. Ajo ka udhëhequr Chelsean e tani e udhëheq SHBA-në.
Garnacho fiton çmimin e parë
Futbollisti i Manchester Unitedit, Alejandro Garnacho ka fituar çmimin “FIFA Pushkash Award” për golin më të mirë të vitit.
Bëhet fjalë për golin ndaj Evertonit të shënuar më 26 nëntor 2023.
