Kampioni i Kosovës në futboll, Ballkani, e ka nisur me fitore mbrojtjen e titullit.
Skuadra suharekase të dielën e mposhti Dukagjinin me rezultatin 2:0. Ndeshja u luajt në Suharekë dhe i takoi xhiros së parë.
Mesfushori brazilian, Queven Inacio, i realizoi dy golat për Ballkanin. Golin e parë e shënoi në minutën e 44-t.
Ndërsa Inacio në minutën e 63-të e realizoi golin e dytë personal dhe të fundit në ndeshje.
