-
Nga:
Shqipdona Gashi
- 21 nëntor 2023 14:50
- Shpërndaje në:
Ka disa ditë qe drunjtë në parkun e Taukbashçes janë prerë. Ata që u vlerësuan të vjetër u larguan nga ekipet e gjelbra të Komunës.
Të menjëhershëm ishin aktivistët në mbrojtje të mjedisit, të cilët të premten sollën këtu 50 fidanë bliri.
Në fakt, drunjtë u mbollën për nder të Konventës Ndërkombëtare të Fëmijëve që u shënua të premten.
Planifikimet janë bërë 1 muaj më herët, thotë Egzona Shala-Kadriu nga organizata “Ecoz”.
Ajo u bën thirrje qytetareve që të kenë kujdes ndaj zonave të gjelbra.
Derisa aktivistët kanë thënë se ka munguar informimi për prerjen e drurëve, nga Komuna thonë se prerja dhe krasitja e tyre në parkun e “Taukbashçes” është bërë si shkak i rrezikut nga vjetërsia.
Buxheti prej 1 milion e 200 mijë eurosh për drurë do të përfshijë edhe parqet e tjera të kryeqytetit.
I gjithë ky aktivitet është mbështetur nga Fondi evropian i Ballkanit me vlerë 2500 euro.
