59-vjeçarja thyen barrierat duke e mësuar notin

Vitet janë vetëm numra për Bella Braimin, pasi fiziku i saj ngjan më shumë me një vajzë të re sesa me një 59-vjecare.  

Ajo rreth dy vjet më parë vendosi që ta mësojë notin edhe pse gjatë gjithë jetës i frikohej ujit. 

Bella tregon se sporti i notit e ka ndihmuar atë në shëndet duke ia lehtësuar gjendjen shëndetësore. 
Ishte vajza e saj që si dhuratë ia bëri një kurs noti, ku Bella është e rregullt dhe ka mësuar shumë sa i përket këtij sporti.

59-vjeçarja thekson se asnjëherë nuk është vonë për të arritur një sukses në jetë.

Bella Braimi dy herë në javë merr rrugë nga Fushë-Kosova deri te pishina në Hajvali për stërvitjet e notit. 

Ajo notin në det për herë të parë e ka praktikuar verën e kaluar. 

Sporti i notit është për të gjitha moshat, thotë ajo. 

Trajneri i Bellës e quan storie suksesi rrugëtimin e saj në këtë sport. 

59-vjeçarja është shembulli më i mirë i një gruaje, e cila pavarësisht sëmundjeve dhe angazhimeve në familje, ka arritur që ta mposhtë frikën dhe ta mësojë notin pas shumë dekadash.