Videoklipi i ri i Dua Lipës me plot ngjashmëri me artistë të tjerë

Këtë javë, pamjet e Dua Lipës nëpër rrugët e Barcelonës me partnerin e saj, aktori Callum Turner, kanë mbushur titujt e mediave.

Vizita e saj përkoi me premierën e këngës “Illusion”, videoklipi i së cilës u xhirua në Barcelonë, konkretisht në pishinat në Montjuïc.

Me këngën e re, këngëtarja shqiptare dëshiron ta bëjë të qartë se ka arritur pjekurinë e se edhe pse në tekstet e saj e pranon se ka idealizuar partnerët, ajo më nuk e lë veten të shkojë prapa këtij iluzioni, ka shkruar Huffingtonpost.

Ajo që bie në sy më shumë në videoklipin e Lipës është zgjedhja e lokacionit. Pishinat e inauguruara më 1929, mes ngjarjesh tjera, ishin edhe vendi i garave të zhytjes së Lojërave Olimpike të Barcelonës më 1992.

Videoklipi i saj është gjetur se i ngjan videoklipit të artistes Kylie Minogue në këngën “Slow”. Lipa pati thënë se kënga e preferuar e Minogues ishte pikërisht kjo.

Përdoruesit e rrjeteve sociale i kanë gjetur ngjashmëri edhe në pjesë të tjera, si zgjedhja e pamjes prapa, apo kapja në një rreth që përkon me imazhin ikonik të Madonnas.