Artisti me famë botërore, Usher, ka marrë çmimin për arritje jetësore në spektaklin e ndarjes së çmimeve BET Awards ((Black Entertainment Television).
Ikona e zhanrit R&B u nderua me këtë çmim të dielën mbrëma. Ai ka thënë se po i duket pak herët që ta marr këtë çmim, shkruan USA Today.
“Të vij deri këtu, nuk ka qenë farë e lehtë, por ia ka vlejtur. Ky çmim për arritje jetësore, nuk e di, a mos është tepër herët për mua ta marr? Sepse ende jam duke krijuar dhe ende më pëlqen kjo punë ashtu sikur kur isha tetë vjeç”, ka thënë Usher pasi ka pranuar çmimin.
Më parë gjatë kësaj ceremonie, ai u nderua edhe me çmimin “artisti më i mirë në zhanrin R&B dhe POP”.
“Jam shumë i lumtur që ende jam pjesë e kësaj gare”, ka thënë ai duke shtuar se është gjithashtu i lumtur që është inspirim për gjeneratat e reja.
Ndërkohë vepra e tij u nderua e u vlerësua edhe nga këngëtarë e yje të tjerë që ishin të pranishëm në këtë spektakël, si këngëtarja Jennifer Hudson, aktorja Keke Palmer, Summer Walker, Chloe, Tinashe e të tjerë.
Teyanna Taylor & Victoria Monet recreated the LEGENDARY performance of “Bad Girl” with Usher & Beyoncé #BETAwardspic.twitter.com/1TFw2WpHOL
— II PURE WANTED HONEY 🍯 (@purethiquekj) July 1, 2024
Ishte ylli Childish Gambino, i cili filloi performancat në nderim të Usherit me këngën “U Don’t Have To Call”.
