Taylor Swift ka hapur faqet e ditarit të saj në albumin e saj të fundit “The Tortured Poets Department”.
Superylli i popit, 34- vjeçare tregon momentet e trazuara në jetën e saj personale, teksa ajo po ngjiste majat e suksesit në karrierë.
Ndërsa fansat prisnin që albumi të frymëzohej tërësisht nga lidhja e saj gjashtëvjeçare me ish të dashurin Joe Alwyn, Swift e befasoi përsëri botën me një numër këngësh që u shkruan për romancën e saj të shkurtër vitin e kaluar me muzikantin, Matty Healy të vitit 1975, raporton "People".
"Ishte me të vërtetë një litar shpëtimi për mua - vetëm gjërat që po kaloja, gjërat për të cilat po shkruaja ... më bëri të kuptoja se pse shkrimi i këngëve më bën të kaloj nëpër jetën time”, u ka thënë ajo fansave për muzikën e saj të re, gjatë turneut të saj në fillim të këtij viti.
Disa nga këngët e albumit të ri janë të mbushura me mall dhe dhimbje zemre, ndërsa të tjera paraqesin zemërim dhe mosbesim – jo vetëm me ish-dashnorët e saj, por edhe me analizat e publikut për jetën e saj të dashurisë.
Albumi i saj i 11-të tashmë ka dalë në treg, derisa ai kishte rrjedhur online një ditë para publikimit.
