-
Përgatiti:
Vita Abrashi-Kajtazi
- 29 tetor 2024 13:35
- Shpërndaje në:
Është raportuar se këngëtarja me prejardhje latine, Jennifer Lopez, po ndihet e gatshme për t’iu rikthyer punës, pasi muaj me parë dorëzoi kërkesën për shkurorëzim nga burri i saj, aktori Ben Affleck.
Të hënën, 55 vjeçja është parë duke shkuar në studio për incizimin e këngëve, pasi kishte darkuar me binjakët e saj 16 vjeç, Max dhe Emme, shkruan Daily Mail.
Më parë gjatë këtij muaji, një burim i ka thënë Page Six, se aktorja e filmit “Mother” ka kërkuar nga ekipi i saj që të kërkojnë kompozitor për të krijuar një hit të ri.
“Prioritet i saj tani është puna në muzikë. Ajo nuk dëshiron të bëjë asgjë që nuk është ‘e madhe’. Asaj i duhet një hit i ri i madh”, pati thënë brumi.
Ky burim kishte shtuar se Lopez po dëshiron të bëjë disa hite e të krijojë një album të ri pasi projekti muzikor i mëparshëm “This is me...Now”, nuk është se pati sukses të madh.
Në dokumentarin e saj “The Greates Love Story Never Told” ajo pati thënë se nuk e di nëse do të bënte më ndonjë album.
“E vërteta është se nuk e di a do të bëj ndonjë album tjetër në jetën time pas këtij. Mos i tregoni Bennyt (Benny Medina, menaxheri i saj kamotshëm) se jam duke menduar kështu. Ky mund të jetë albumi im i fundit”, pati thënë Lopez në dokumentar për albumit “This is me...Now”.
