Paris Hilton dëshmon në Kongresin Amerikan për abuzimin gjatë adoleshencës

Ylli televiziv, Paris Hilton, ka bërë thirrje për ndryshim në njësitë e objekteve të banimit për adoleshentët, ku dërgohen për përmirësim të sjelljes dhe ka ndarë eksperiencën e saj që pati me abuzimin kur ishte adoleshente. 

Ajo këtë e ka bërë përballë një komisionit të Kongresit të SHBA-së, raporton BBC.

Hilton ka thënë se i janë dhënë medikamente me forcë dhe ka përjetuar dhunë seksuale nga stafi i objektit privat të banimit të adoleshentëve ku ishte dërguar të qëndronte.

Dëshmia e saj vë dritë mbi institucionet që mbikëqyrin adoleshentet e ashtuquajtur “problematikë”, ku përfshihen ato që kanë për synim përmirësimin e sjelljeve të tyre.

Ylli më parë ka folur për traumën që ka përjetuar kur u dërgua në njërën nga këto njësi kur ishte 16 vjeç dhe prindërit e saj filluan të shqetësoheshin për sjelljen e saj.

Hilton u kërkoi ligjvënësve të riautorizojnë një lloj akti që siguron financim për çështjet e mirëqenies së fëmijëve dhe të miratojnë ligjin për ndalimin e abuzimit të fëmijëve nga institucionet.

Biznesmenja e njohur amerikane është avokuese e hapur për fëmijët që dërgohen në institucione për rregullimin e sjelljes si dhe atyre që tashmë ndodhen në sistemin e kujdestarisë.