Në universitetin e famshëm do të ligjërohet për Beyoncen

Beyoncé Knowles-Carter nuk do të mbetet vetëm në librat e historisë. Tani superylli me rekorde dhe trashëgimia e saj do të jenë objekt i një ore mësimore të në universitetin me renome në Shtetet e Bashkuara të Amerikës, “Yale”.

Ora e titulluar “Beyoncé Makes History: Black Radical Tradition, Culture, Theory & Politics Through Music” do të ofrohet në shkollat “Ivy League” vitin e ardhshëm.

E ligjëruar nga profesoresha e studimeve afrikano-amerikane Daphne Brooks, kjo orë mësimore ka për detyrë të hedhë vështrim në ndikimin e thellë kulturor të megayllit. Në ligjëratë, studentët do të zhyten thellë në karrierën e Beyoncés dhe do të shqyrtojnë se si ajo ka sjellë më shumë ndërgjegjësim dhe angazhim në doktrinat sociale dhe politike.

Ligjërata do ta përdorë katalogun e gjerë muzikor të këngëtares, duke përfshirë ato nga albumi i saj i vitit 2013 deri në albumin e saj të krijimit të historisë “Cowboy Carter” si mjete për të mësuar. 

Brooks gjithashtu planifikon të përdorë muzikën e Beyoncés si mjet për t'i mësuar studentët rreth intelektualëve të tjerë të famshëm me ngjyrë gjatë historisë, si Toni Morrison dhe Frederick Douglass.
Beyoncé, e cila tashmë është artistja më e vlerësuar në historinë e “Grammyt”, së fundmi ka bërë sërish histori si artistja më e nominuar me gjithsej 99 nominime, pasi mori 11 nominime të tjera në çmimet “Grammy 2025” për albumin e saj të tetë “Cowboy Carter”.

“Numri i zbulimeve dhe inovacioneve që ajo ka arritur dhe mënyra se si ajo ka ndërthurur historinë dhe politikën dhe angazhimet me jetën kulturore të zezakëve në performancën e saj dhe përdorimin e zërit të saj si një hapësirë për të menduar për historinë dhe politikën, thjesht nuk ka asnjë të tillë si ajo”, tha Brooks për “Yale Daily News”.

Dhe nuk është hera e parë që profesorët e kolegjit japin kurse të përqendruara rreth Beyonce.

Riché Richardson, profesor i letërsisë afrikano-amerikane në Universitetin Cornell dhe Qendrën Kërkimore Africana, mbajti ligjëratë të titulluar “Beyoncénation” për të eksploruar ndikimin e saj në sektorë duke përfshirë modën, muzikën, biznesin, drejtësinë sociale dhe amësinë.

Dhe Erik Steinskog, profesor i asociuar i muzikologjisë në Universitetin e Kopenhagës në Danimarkë, gjithashtu ka krijuar një kurs për Beyoncén në vitin 2017, i përqendruar te raca dhe gjinia.