Liam Gallagher dëshiron të ngritë një mur të madh për të forcuar sigurinë në rezidencën e tij.
Ish-rokeri i grupit “Oasis”, 51-vjeç, ka aplikuar për leje për të ndërtuar një bllokadë të re në pjesën e përparme të shtëpisë së tij në vlerë prej 4 milionë funtesh, në Tudor të Londrës.
Një gardh 6 metra i lartë do të ndërtohet gjithashtu për të ndihmuar në mbajtjen larg të ndërhyrësve të huaj dhe spiunëve, raportoi Mail on Sunday.
Agjenti i planifikimit të Liam u citua të ketë thënë se "Portat e hyrjes dhe muret ekzistuese të pronës nuk ofrojnë privatësinë ose sigurinë e nevojshme për familjen”.
Sipas “The Mail” edhe oborri ekzistues do të zgjerohet gjithashtu në pronën, të cilën Liam e bleu në vitin 2019, duke i dhënë këngëtarit dhe të fejuarës së tij menaxhere Debbie Gwyther më shumë hapësirë për argëtim.
Mail raportoi se autoritetet në këshillin e Haringey që janë përgjegjëse për miratimin e aplikacioneve të tilla në zonë "pritet të marrin një vendim për aplikimin këtë javë".
Liam aktualisht është në turneun e tij “Definitely Maybe” për të shënuar 30 vjet nga publikimi i albumit debutues të Oasis.
Ai gjithashtu javën e kaluar la të kutohet se mund të shkonte në një turne tjetër në vitin 2025 për të shënuar përvjetorin e albumit të dytë të Oasis "(What's The Story) Morning Glory?"
