-
Përktheu:
Vita Abrashi-Kajtazi
- 20 shkurt 2025 14:55
- Shpërndaje në:
Lady Gaga ka konfirmuar se vazhdimi i projektit të saj të famshëm muzikor “Telephone” është në rrugë e sipër, por nuk ka zbuluar nëse kolegia e saj nga bashkëpunimi i mëparshëm, Beyoncé, do të jetë pjesë e tij.
Gjatë një interviste në serinë “Lie Detector” të prestigjiozes Vanity Fair, këngëtarja 38-vjeçare u pyet nëse do të kishte një vazhdim të “Telephone”, dhe ajo u përgjigj shkurt me: “Po”, ka raportuar FemaleFirst.
Megjithatë, kur u pyet nëse Beyoncé do të merrte pjesë sërish, Gaga u shpreh me një përgjigje të paqartë: “ndoshta”.
Ajo gjithashtu sqaroi se vonesa nuk lidhet me oraret e agjendës së tyre.
VIDEO:
Videoklipi i këngës “Telephone”, i publikuar në vitin 2010, shfaq Lady Gagan si një të burgosur për vrasjen e të dashurit të saj.
Beyoncé shfaqet duke e liruar nga burgu, dhe bashkë nisin një seri ngjarjesh dramatike. Në fund të klipit shfaqet mesazhi “To be continued...”, duke lënë të hapur mundësinë e një vazhdimi.
Kënga, e cila fillimisht ishte shkruar për këngëtaren e njohur Britney Spears por u refuzua prej saj, përmban vargun e famshëm: “Hello, hello, baby, you called, I can’t hear a thing...”.
Kur u pyet nëse ndonjëherë kishte hapur telefonin duke e thënë këtë frazë, Gaga u përgjigj duke thënë se mund ta ketë bërë.
“Mendoj se mund ta kem bërë, por ndoshta jo. Jam shumë e keqe në këtë lojë, sapo thashë po, jo dhe ndoshta”, ka thënë Gaga.
Kur një anëtar i ekipit i tha se detektori i gënjeshtrave konfirmoi që ajo po thoshte të vërtetën, Gaga qeshi dhe tha se i vjen “mirë ta di këtë”.
