Incidenti i tretë me radhë me anëtaren e sigurimit në festivalin e Cannes

Një anëtare e sigurimit në Festivalin e Filmit në Cannes, është bërë virale pasi fillimisht u pa në një video duke ngutur këngëtaren Kelly Rowland të tejkalonte tepihun e kuq, ndërkohë që ajo kthehet dhe i thotë të mos i flasë në atë mënyrë. Të njëjtën gjë, anëtarja e sigurimit e ka bërë edhe me aktoren Maissel Tavaras.

Tani, kjo anëtare sigurimi u bë virale për të tretën herë, pasi ajo nguti tek shkallët edhe një tjetër yll, aktoren koreane Yoona, e cila u kthye për t'i përshëndetur adhuruesit, shkruan The Daily Beast.
 

Yoona nuk ka bërë ndonjë reagim, por videoja ku shihet anëtarja e sigurimit duke e ngutur atë, nxiti shumë komente negative për taktikat e vrazhda që ka përdorur kjo anëtare sigurimi ndaj yjeve që janë me ngjyrë.

Në një tjetër video, anëtarja e njëjtë e sigurimit, shihet duke ngutur edhe një tjetër yll, aktoren domenikane Maissel Taveras, e cila po ashtu kthehet duke dashur të qëndrojë më shumë në shkallë, ndërsa ajo dëshironte të shfaqte bishtin e gjatë të fustanit të saj, mbi të cilin kishte të printuar figurën e Jezu Krishtit.
 

Ndërkohë që nuk dihet se çfarë u ka thënë yjeve anëtarja e sigurimit, të tria videot janë bërë virale nëpër rrjete sociale e media.

Lexo edhe:

Massiel Taveras bashkëndien me Kelly Rowlandin pas incidentit të njëjtë në Cannes - KOHA.net