-
Përktheu:
Vita Abrashi-Kajtazi
- 18 shkurt 2025 15:18
- Shpërndaje në:
Ekipi i filmit të mirënjohur “Coyote Ugly” po përgatitet të festojë 25-vjetorin e tij.
Sipas Deadline, ekipi i filmit të vitit 2000, i drejtuar nga regjisori David McNally, do të organizojë një shfaqje rikthimi dhe një takim me pyetje-përgjigje më 26 shkurt në teatrin “Aero” në Santa Monica, me qëllimin për të mbështetur përpjekjet e shërbimit të ndihmës për zjarret në Kaliforni nga “Global Empowerment Mission”.
TRAILERI I FILMIT:
Biletat dhe më shumë detaje për këtë shfaqje janë në dispozicion online, e cila përshkruhet si “mundësi të rrallë për të risjellë magjinë e ‘Coyote Ugly’ në ekranin e madh, për të dëgjuar histori të patreguara nga ekipi dhe për të mbështetur një kauzë të shkëlqyer”.
Kjo ngjarje do të ribashkojë producentin Jerry Bruckheimer me aktoret Piper Perabo, Tyra Banks, Maria Bello, Bridget Moynahan, Izabella Miko, Melanie Lynskey dhe LeAnn Rimes.
Lynskey, e cila në film luajti rolin e Glorias, një vajze nga New Jersey, kishte folur më herët për këtë shfaqje rikthimi tek po ecte në tapetin e kuq në premierën e Sezonit të 3-të të serialit të saj “Yellowjackets”.
“Të gjitha do të kthehemi në skenë”, ka thënë ajo.
Kjo ngjarje vjen pas faktit që Banks ishte një nga shumë banorët e Los Angelesit që humbën shtëpitë e tyre nga zjarret që shkaktuan të paktën 29 vdekje dhe shkatërruan mijëra ndërtesa në Qarkun e Los Angelesit.
Përshkruar nga Gina Wendkos, filmi “Coyote Ugly” tregon historinë e Violet Sanford, rolin e së cilës e luan Perabo, një këngëtare aspiruese që largohet nga New Jersey dhe shkon në Manhattan për të ndjekur ëndrrat e saj për famë në muzikë. Por, ndërsa ajo lufton për t’u bërë e njohur, ajo gjen një punë në barin e famshëm në qytet (i cili është një vend real në East Village të New Yorkut), ku ajo mëson të performojë për klientët.
