Këngëtarja më famë botërore, me prejardhje shqiptare, Dua Lipa, të mërkurën, ka befasuar të pranishmit në ceremoninë e ndarjes së çmiemve "ACM Awards", me një duet me këngëtarin Chris Stapleton, në teatrin "Ford" në Star Frisco.
Performanca u hap fillimisht me Lipën e cila këndoi këngën “Think I’m in Love With You”, e cila pasoi me këngën e yllit të muzikës country. Kjo performancë erdhi si befasi për audiencën në teatrin "Ford", të cilët po prisnin të shihnin Chrisin, i cili hyri në skenë me një kitarë dhe iu bashkëngjit Lipës, shkruan Billboard.
Një burim i ka thënë këtij mediumi se dyshja kanë planifikuar të bëjnë një bashkëpunim së shpejti.
Lajmi erdhi si befasi pasi Lipa, vetëm disa javë më parë, publikoi albumin e ri “Radical Optimism”, në të cilin nuk pati ndonjë këngë të zhanrit country. Ky album së fundmi u rangua në pozitën numër 2 në toplistën "Billboard 200", ku albumi i Chrisit, “Higher”, në nëntor, u rangua në pozitën e tretë.
Akademia e Muzikës, ka mbajtur ceremoninë e ndarjes së çmimeve për muzikën country, "Academy Country Muzic" (ACM), ku nderoi arritjet muzikore të artistëve që punuan që nga viti i kaluar. Kjo ngjarje organizohet që nga viti 1966 dhe u bë programi i parë me shpërblime për këtë zhanër të muzikës që u mbajt në kudër të një organizmi të madh.
Chris, në ceremoninë e sivjetme, ishte i nominuar për disa kategori. Ai fitoi çmimin “artisti më i mirë i vitit”.
Të dy yjet do të këndojnë në festivalin e muzikës "Austin City Limits", në muajin tetor, ku do të performojnë edhe yje e grupe muzikore si Carin leon, Renee Rapp, Foster The People, Kehlani, Teddy Sëims, Benson Boone, CAAMP, Dominic Fike, The Marias, Jungle, Dom Dolla, Chappell Roan, Porter Robinson, Fletcher e shumë grupe e artistë të tjerë.
