Adele shpërthen në lot dhe përqafon Celine Dion

Këngëtarja e famshme britanike, Adele ka shpërthyer në lot pasi ka parë këngëtaren Celine Dion në një nga koncertet e saj në Las Vegas.

Në një video të shpërndarë në rrjetet sociale, Adele shihet më pas teksa shkon shpejt drejt saj, dhe duke qajtur e përqafon, raporton BBC.

Dy këngëtaret ndajnë një përqafim emocional në Teatrin Colosseum në Caesars Palace, një vend i ndërtuar fillimisht për rezidencën debutuese të Dion në vitin 2003.

“Kjo me të vërtetë ndjehej sikur ajo me krenari po ia dorëzonte çelësat Adelës”, ka thëë Nasser, i cili ishte në audiencë dhe filmoi momentin në telefonin e tij.

“Dhe kur Adele e përqafoi atë, të gjithë ndjenë atë që ndjenin”, ka shtuar ai.

Adele dihet se idhullon ikonën kanadeze, ndërsa Dion gjithashtu ka folur me fjalë të mëdha për Adelën.