Në kuadër të Ditës Ndërkombëtare të Gruas, Concentrix konfirmon me krenari angazhimin e tyre për fuqizimin e grave në pozita lidershipi. Me prezencë në gjashtë qytete të Kosovës dhe në vende të tjera të rëndësishme në rajon, kompania punëson mbi 2,200 profesionistë të talentuar dhe është shpallur për të pestin vit radhazi si një nga punëdhënësit më të mirë.
Një nga shembujt më të mirë të fuqizimit të grave në lidership është Aurora Gumnishta, Drejtoresha e Operations në Concentrix Kosovo. Ajo është një model i qëndrueshmërisë dhe lidershipit vizionar, duke frymëzuar brezat e rinj të grave që të besojnë në vetvete dhe të shfrytëzojnë potencialin e tyre.
Në një intervistë inspiruese, Aurora ndau mendimet e saj për lidershipin dhe fuqizimin e grave në vendin e punës. "Suksesi i takon atyre që kanë guximin të besojnë në vetvete – edhe kur ende askush nuk duartroket," tha ajo, duke theksuar se ky është një mesazh për të gjitha gratë që synojnë pozita drejtuese.
Çfarë ju motivoi të ndiqni një karrierë në industrinë e BPO-së dhe si kanë ndikuar përvojat tuaja në rrugëtimin tuaj në lidership?
Aurora tregoi se udhëtimi i saj në këtë industri nisi nga pasioni për zgjidhjen e problemeve dhe dëshira për të pasur sukses në një sektor që vazhdimisht po zhvillohet. Sfidat dhe mundësitë për të krijuar ndryshime ishin ato që e tërhoqën. "Në Concentrix kam pasur mundësinë të udhëheq ekipe ndërkombëtare, të ndikoj në rritjen e tyre dhe të krijoj një kulturë ku çdo individ ndihet i vlerësuar dhe i motivuar," tha ajo.
Si e përshkruani stilin tuaj të lidershipit dhe si ndikon ai në zhvillimin e ekipeve?
Për Aurorën, lidershipi është një kombinim mes strategjisë dhe fokusit tek njerëzit. "Besoj në udhëheqjen me shembull, në krijimin e një kulture përgjegjësie dhe fuqizimin e ekipit për të marrë iniciativa," tha ajo. Sipas saj, një lider i suksesshëm krijon mundësi për rritje duke investuar në mentorshipin dhe duke ofruar mbështetje të vazhdueshme për zhvillimin e aftësive të ekipit.
Ju njiheni jo vetëm si Drejtoreshë e Operations në Concentrix Kosovo, por edhe si një influencuere në Kosovë. Si keni arritur të balanconi suksesin personal dhe profesional?
Aurora e përshkroi këtë balancë si një sfidë që ia ka vlejtur. "Çelësi është menaxhimi efektiv i kohës, përcaktimi i prioriteteve të qarta dhe mbështetja e duhur," tha ajo. Të qenit influencuere i ka dhënë mundësinë të lidhet me njerëzit në një nivel më personal, ndërsa roli i saj si Drejtoreshë i Operations i jep mundësinë të udhëheqë dhe të krijojë ndikim brenda kompanisë.
Çfarë mesazhi keni për gratë e reja që synojnë pozita lidershipi në industri si BPO?
Aurora i inkurajon gratë që të besojnë në potencialin e tyre dhe të mos frikësohen nga sfidat. "Ecni përpara me guxim, kërkoni mundësi për të mësuar dhe për të avancuar, dhe rrethohuni me mentore dhe kolegë që ju mbështesin," tha ajo. Mesazhi i saj është i qartë: përkushtimi dhe vetëbesimi janë çelësi për të kaluar çdo pengesë.
Cila ka qenë pjesa më shpërblyese e karrierës tuaj deri tani?
Për Aurorën, më e rëndësishmja ka qenë mundësia për të frymëzuar dhe mbështetur të tjerët. "Të shoh ekipin tim që rritet dhe arrin suksese është ndjenja më e mirë," tha ajo. Ajo është krenare që ka ndihmuar në krijimin e një mjedisi ku çdo individ ka hapësirë për të arritur potencialin e tij të plotë dhe ka sfiduar stereotipet në një industri që tradicionalisht ka qenë e dominuar nga burrat.
Aurora është një shembull i shkëlqyer për çdo grua që synon të arrijë majat e karrierës së saj, duke sfiduar barrierat dhe duke avancuar në çdo hap të rrugëtimit të saj.
