Presidenti i Serbisë, Aleksandar Vuçiq, ka bërë thirrje për votë kundër rezolutës. Ai ka thënë se kjo është rezolutë e politizuar. “Nuk kemi dëgjuar nga autori se pse kjo rezolutë po vjen tani?”, ka thënë ai.
Vuçiqi ka thënë se ka vendosur lule para boshnjakëve të vrarë.
“Është e vështirë të flasësh kundër Gjermanisë, që është shteti më i fortë në Evropë”, ka thënë ai ndër tjerash.
Vuçiqi ka përmendur edhe bombardimet e NATO-s më 1999 duke akuzuar shkruesit e rezolutës për përzgjedhje selektive të gjërave nga e kaluara.
Ai ka thënë se kjo rezolutë do të hapte Kutinë e Pandorës e se shumë rezoluta të tjera tani do të kërkohen.
