Dy persona raportohen se kanë vdekur dhe tre të tjerë janë plagosur pas një shpërthimi në Cetinje të Malit të Zi të enjten.
Policia malaziase ka konfirmuar se shpërthimi ka ndodhur në hyrje të Qendrës së Sportit.
Një numër i madh i zyrtarëve policorë kanë dalë në vendin e ngjarjes dhe hetimet janë duke u zhvilluar për këtë ngjarje.
Për shkak të fuqisë së shpërthimit, xhamat në ndërtesën e Qendrës së Sportit janë thyer dhe një pemë është rrëzuar, raportoi RTV Cetinje.
Sipas Vijestit, personat që vdiqën janë Petar Kaluderoviq dhe Dragan Roganoviq, anëtarë të klanit kriminal Shkaljar.
Klani kriminal Shkaljar dyshohet se ka lidhje me klanin Bar dhe Zemun të Serbisë. Ai ka prezencë të fuqishme në Bar, Budvë, Cetinje dhe Podgoricë.
