Bashkimi Demokratik Kroat (HDZ) udhëhequr nga kryeministri aktual Andrej Plenkoviq ka fituar zgjedhjet në Kroaci, të cilat u mbajtën të mërkurën.
Komisioni Kombëtar i Zgjedhjeve nga 99.67 për qind të votave të numëruara ka njoftuar se 61 mandate i ka fituar HDZ-ja, kundrejt 42 mandateve të Partisë Social Demokratike (SDP) koalicionin e të cilëve e udhëhoqi presidenti Zoran Milanoviq.
Është hera e tretë që HDZ-ja fitoi zgjedhjet parlamentare, parti që ka mbajtur kryesisht pushtetin që kur Kroacia fitoi pavarësinë nga ish-Jugosllavia në vitin 1991.
HDZ-ja e Plenkoviqit fitoi në nëntë nga gjithsej 11 zona zgjedhore.
“Është e rëndësishme që në mëngjes të fillojmë punën për formimin e shumicës së re parlamentare”, ka thënë Plenkoviq të enjten.
Për ta formuar Qeverinë, përveç tetë përfaqësuesve të minoriteteve, Plenkoviqit i duhet mbështetja e gjysmës së përfaqësuesve të “Lëvizjes Atdheu”, e cila mori 14 mandate.
