Në Komitetin Kushtetues të Parlamentit të Malit të Zi është hedhur bombë tymi të martën gjatë mbledhjes, pas debatit të nxehtë që i parapriu për pensionimin e gjyqtarëve të Gjykatës Kushtetuese.
Videoja është publikuar nga faqja e Kuvendit.
Deputetë të opozitës kanë thënë se s’do të lejojnë vazhdimin e seancës. Por ajo vazhdoi dhe u miratuan konkluzionet që të nisin bisedimet për të publikuar shpalljen për zgjedhjen e gjyqtarëve të tjerë.
Hedhja e gazit nuk është hera e parë që ndodh në institucionet parlamentare të rajonit. Ajo dikur ishte fenomen në Kuvendin e Kosovës. Ndodhte kjo pikërisht në kohën kur opozita kundërshtonte demarkacionin me Malin e Zi.
