Kina e ka fituar edhe një medalje të artë të hënën në Lojërat Olimpike në Paris.
Li Yuehong doli triumfues në garën në qitje me pistoletë të shpejtë në 25 metra.
34-vjeçari shkëlqeu për të siguruar medaljen e pestë të artë për Kinën në qitje. Medaljen e argjendtë e fitoi Yeongjae Cho nga Koreja e Jugut. Wang Xinjie nga Kina e fitoi të bronztën.
Për Yuehongun është medalja e parë e artë olimpike në karrierë.
Yuehong ka të fituara edhe dy medalje të bronzta olimpike. Medaljen e parë të bronztë e fitoi në “Rio 2016”, kurse të dytën në “Tokio 2020”.
