Chen Yuxi dhe Quan Hongchan janë fituese të medaljes së artë olimpike në “zhytjen e sinkronizuar” te gratë nga lartësia 10 metra në “Parisi 2024” të mërkurën.
Zhytëset kineze kishin fituar në tre kampionate botërore, ndërsa në finalen e Olimpiadës dominuan dhe kryesuan me 359.19 pikë.
“Ndiej se performanca jonë është në rregull”, ka thënë 17-vjeçarja Quan, e cila veçse është bërë sensacion me zhytjet pothuajse perfekte. Chen është 18-vjeçare.
Kim Mi Rae dhe Jo Jin-mi nga Koreja e Veriut, të cilët fituan medaljen e argjendtë në Botërorin e këtij viti, përfunduan në vendin e dytë me 315.90 pikë. Andrea Spendolini-Sirieix dhe Lois Toulson nga Britania fituan medaljen e bronztë me 304.38 pikë.
Kina deri tash është e para me medalje ari në "Parisi 2024". Ka fituar 11.
VIDEO:
The amazing synchronization of Chen Yuxi and Quan Hongchan winning the Olympic Gold in the women's synchronized 10 m platform diving.pic.twitter.com/ykiBumAdyf
— Massimo (@Rainmaker1973) August 1, 2024
