Ylli francez i notit, Leon Marchand, e ka bërë të pabesueshmen.
I fitoi dy medalje të arta olimpike brenda natës dhe një periudhe shumë të shkurtër kohore.
As Michael Phelpsi, legjenda e notit, nuk e kishte provuar një gjë të tillë.
Por, Marchand e pati guximin dhe fitoi në disiplinën 200 metra flutur dhe 200 metra bretkosë.
Pas tij ishte australiani Zac Stubblety-Cook, kampioni i Olimpiadës së kaluar.
Ndërkohë, me medalje të bronztë u stolis holandezi, Caspar Corbeau.
Marchand të dyja garat e të mërkurës mbrëma i kreu me rekord olimpik.
Koha e tij në garën e dytë ishte 2:05.85 minuta, ndërsa të parën e pati me kohën 1:51.21.
