Rafael Nadal e ka fituar meçin e parë në garat individuale të tenisit në turneun Olimpik në “Parisi 2024”.
Nadali të dielën fitoi me vështirësi ndaj tenistit hungarez, Marton Fucsovics.
Spanjolli triumfoi me rezultatin 2:1 në sete, 6:1, 4:6 dhe 6:4.
22 herë fituesi i turneve Grand Slam, Nadal, do të luajë kundër serbit Novak Gjokoviq, në raundin e dytë.
Do të jetë meçi i 60-të mes tyre.
Meçin e fundit në vitin 2022 në çerekfinale të “Roland Garrosit” e kishte fituar Nadali në katër sete.
