Organizatorët e Lojërave Olimpike kanë kërkuar falje pasi që sportistët e Koresë së Jugut gabimisht u prezantuan si sportistë të Koresë Veriore gjatë ceremonisë hapëse të mbajtur të premten në Paris, raporton “BBC”.
Ndërsa ekipi po parakalonte duke valuar flamujt e Koresë Jugore, si spikeri francez ashtu edhe ai anglez i prezantoi si sportistë të “Republikës Demokratike Popullore të Koresë”, emri zyrtar i Koresë Veriore.
Emri i njëjtë më pas u përdor – saktë – kur delegacioni i Koresë së Veriut lundroi përgjatë lumit Sena.
Dy Koretë janë ndarë që nga fundi i Luftës së Dytë Botërore, ndërsa tensionet mes dy shteteve kanë përshkallëzuar së fundi.
Ministria e Sportit e Koresë së Jugut ka thënë se planifikon të dërgojë “ankesë të fuqishme te Franca në nivel qeveritar” për shkak të gafës.
Në komunikatë thuhet se zëvendësministri i dytë i sportit, Jan Mi-Ran, ka kërkuar një takim me kreun e Komitetit Olimpik Ndërkombëtar, Thomas Bach.
Komiteti Olimpik Ndërkombëtar (IOC) ka kërkuar falje publike në llogarinë e saj zyrtare në gjuhën koreane.
“Ne duam të kërkojmë falje thellësisht për gabimin që ka ndodhur gjatë prezantimit të delegacionit të Koresë së Jugut në ceremoninë hapëse”.
Koreja e Jugut në Paris garon me 143 sportistë në 21 sporte të ndryshme. Koreja e Veriut ka dërguar 16 sportistë.
South Korea introduced as Democratic People's Republic of Korea aka North Korea in Paris 2024 🤣 pic.twitter.com/RtCVGE7wzZ
An error occurred in our broadcast when introducing the team of the National Olympic Committee (NOC) of the Republic of Korea during the Opening Ceremony, we apologise sincerely. pic.twitter.com/LfUPLrtaYv
— IOC MEDIA (@iocmedia) July 27, 2024
