Kinezi Fan Zhendong ka fituar përballë suedezit Truls Moregard në turneun olimpik të pingpongut në “Parisi 2024” të dielën.
Të dielën, Zhengdong u stolis me medaljen e artë, e cila i mungoi para tre vjetësh në Tokio.
Ai fitoi me rezultatin 4:1 në sete.
Edhe te pingpongistet triumfoi kinezja Chen Meng, ditë më parë.
Po ashtu kinezët ishin triumfues edhe në garën e çifteve të përziera.
Moregard ndërkohë u bë pingpongisti i parë suedez që ngjitet në podiumin e Lojërave Olimpike që prej vitit 2000.
Ai përgjatë rrugës në finale e kishte eliminuar kinezin Wang Chuqin, pingpongistin numër një të botës.
Në ndeshjen për medalje të bronztë, 17-vjeçari Felix Lebrun, fitoi ndaj brazilianit Hugo Caldenaro.
Ia siguroi Francës medaljen e parë në Lojëra Olimpike në pingpong, që prej vitit 2000.
Ai iu revanshua brazilianit që e kishte mposhtur vëllain e madh të francezit, Alexis Lebrunin, në 1/8 e finales.
