Ndonëse ishte duke pësuar 3:1, Franca bëri rikthim të mahnitshëm dhe fitoi të artën në xhudo në garën ekipore në Lojëra Olimpike.
Gara ekipore është miks dhe paraqiten tre xhudistë e tri xhudiste.
Franca në atmosferë të zjarrtë e mposhti në finale të shtunën, Japoninë.
Në tatami dolën yjet e xhudos nga Franca e Japonia. Japonia ka udhëhequr 3:1, ndërsa Franca u kthye për 3:3.
Kështu kampionin e caktoi meçi vendimtar, kurse kategoria u përzgjodh përmes shortit.
Shorti përcaktoi që në luftën vendimtare të paraqitet ylli më i madh, Teddy Riner, që prezantoi Francën në kategorinë mbi 90 kg.
Riner mposhti rivalin japonez për festë të zjarrtë në Champ de Mars Arena në Paris.
Kështu me spektakël i erdhi fundi garës dramatike të xhudos në Lojërat e Parisit.
