Olimpistët debutues nga Argjentina dhe Kina kanë fituar medaljet e arta në finalet e “BMX Freestyle”.
Në Lojërat e tyre të para Olimpike, argjentinasi 29-vjeçar, Jose Torres Gil, u hodh më së larti dhe bëri rrotullime më të shpejta sesa gjithë konkurrentët e tjerë.
I mblodhi 84.82 pikë për ta siguruar medaljen e artë.
Kinezja 18-vjeçare, Yawen Deng, po ashtu debutuese në Olimpiadë, e fitoi medaljen e artë.
Juria e shpalli Dengun fituese. Ajo grumbulloi 92.60 pikë pas serisë së disa akrobacioneve.
