Boksieri kosovar Shpëtim Bajoku nuk ka arritur të paraqitet në turneun e fundit kualifikues për Lojërat Olimpike “Paris 2024”.
Bajoku ishte paraparë sot të boksonte në rundin e parë të turneut kualifikues në Tajlandë, me boksierin nga Gana, Joseph Commey. Por, siç ka thënë Federata e Boksit të Kosovës, për shkak të gjendjes jo të mirë shëndetësore mjeku ia ndaloi Bajokut që të paraqitet.
Turneu në Tajlandë ishte rasti i fundit për t’u kualifikuar për boksierët. Në Tajlandë po merr pjesë edhe Bashkim Bajoku, që ka kaluar rrethin e parë.
Më herët normën olimpike e ka siguruar boksierja Donjeta Sadiku.
