(E përditësuar 14:43) - Akil Gjakova është kualifikuar në finale të Grand Slamit në Paris. Në gjysmëfinale, Akili e mposhti italianin e njohur, Manuel Lombardi. Ndaj tij fitoi me uazari.
Akili ka shkëlqyer gjatë gjithë ditës në garën prestigjioze.
Xhudisti nga Gjakova tashmë e ka siguruar medaljen e argjendtë, ndërsa do të luftojë për të artën.
Akil Gjakova në gjysmëfinale në Paris
(E përditësuar 13:00) - Akil Gjakova është në gjysmëfinale të Grand Slamit në Paris.
Në çerekfinale e mposhti me uazari Rashid Mammadaliyev të Azerbajxhanit.
Tjetër hedhje mjeshtërore nga Akil Gjakova, këtë herë ndaj japonezit
(E përditësuar 12:30) - Akil Gjakova e ka fituar edhe luftën e dytë në Paris.
Me hedhje mjeshtërore e mposhti japonezin Shusuke Uchimura. Akili është në çerekfinale.
Gjakova fiton me Ippon të bukur
(11:02) - Akil Gjakova e ka fituar luftën e parë në Grand Slamin e Parisit.
Akili realizoi super-hedhje në luftë me Jean Peter të Francës. Lufta i takoi xhiros së dytë në kategorinë deri 73 kilogramë. Akili realizoi fitoren me Ippon për 1:36 minuta.
Ndërkohë Erza Muminoviq u ndal në luftën e parë në kategorinë deri 52 kilogramë.
VIDEO:
