Britaniku Tyson Fury vlerësohet prej figurave më interesante të boksit në dekadat e fundit. Ka kohë që pritet një përballje e tij me britanikun tjetër, Anthony Joshua.
Por fillimisht 36-vjeçari Fury duhet ta mposht Oleksandr Usykun.
Usyk i mban titujt e botës në kategorinë e rëndë, pasi e mposhti Furyn në Arabi Saudite.
Fury këtë herë ka folur më pak para meçit dhe është dukur më i fokusuar në fazën përgatitore për rimeçin me ukrainasin.
Gjiganti Fury i ka 34 fitore në boksin profesionist, 24 prej tyre me ndërprerje. E ka edhe një barazim dhe atë humbje që ia shkaktoi luftëtari ukrainas.
Meçi Fury – Usyk zhvillohet pas pak në Riad të Arabisë Saudite.
