-
Përktheu:
Vita Abrashi-Kajtazi
- 6 shkurt 2025 15:40
- Shpërndaje në:
“Endpoints News” ka raportuar se studimi që po udhëhiqet nga Shkolla e Mjekësisë e Universitetit të Washingtonit në St. Louis, do të përfshijë individë që mbartin gjenet e formave trashëguese të Alzheimerit, por që nuk pritet të zhvillojnë simptoma për 11 deri në 25 vjetët të ardhshëm.
“Patologjia e amyloidit mund të identifikohet një deri në dy dekada përpara se njerëzit të zhvillojnë simptoma. Ne po përpiqemi të parandalojmë zhvillimin e kësaj patologjie”, ka thënë Eric McDade, profesor i neurologjisë që po drejton studimin.
Në studim do të përdoret një ilaç eksperimental i kompanisë farmaceutike “Eli Lilly” i quajtur Remternetug, i cili është i ngjashëm me ilaçin Kisunla të miratuar vitin e kaluar, por administrohet si injeksion tremujor në vend të infuzionit mujor.
Ky studim pritet të zgjasë të paktën gjashtë vjet dhe të kushtojë më shumë se 130 milionë dollarë. Shumica e financimit, rreth 98.3 milionë dollarë, do të vijë nga Instituti Kombëtar i Shëndetit (National Institute of Health) në SHBA.
“Ky do të jetë një studim i rëndësishëm. Mendoj se është prova më e hershme e trajtimit që ka ndodhur ndonjëherë”, tha Howard Fillit, nga Fondacioni për Zbulimin e Barnave të Alzheimerit.
Sëmundja e Alzheimerit ka prekur familjen e Hannah Richardsonit për breza të tërë.
Një mutacion i rrallë gjenetik, i trashëguar nga gjyshja e saj, ka goditur të afërmit e saj me humbjen e kujtesës që në moshën 39-vjeçare.
Vitin e kaluar, xhaxhai i saj vdiq nga demenca në moshën 42-vjeçare dhe tani nëna e saj është në fazat e moderuara të sëmundjes, në të njëjtën moshë.
Richardson, 24 vjeçe, është bashkuar me studimin në fjalë që ka për qëllim të parandalojë këtë sëmundje, duke marrë ilaçin eksperimental që synon të parandalojë krijimin e pllakave amyloid, të lidhura me demencën, që zhvillohen në fazat e hershme të sëmundjes.
“Menjëherë e dija që doja të isha pjesë e këtij studimi”, ka thënë ajo për “Endpoints News”.
Nëse ky studim do të ketë sukses, mund të ofrojë një nga provat më të rëndësishme për hipotezën e shumëdiskutuar të amyloidit.
“Ky do të jetë një studim i rëndësishëm. Mendoj se është prova më e hershme e trajtimit që ka ndodhur ndonjëherë”, tha Howard Fill.
