Ndërsa vera afrohet dhe moti po ngrohet, rrezet e forta të diellit mund t’i shkaktojnë dëm lëkurës duke ia humbur shkëlqimin dhe duke e irrituar lëkurën. Ka disa mënyra për përgatitjen e maskave të ndryshme për shkëlqimin e lëkurës përgjatë ditëve të ngrohta, shkruan India.com.
Maska me gjelin e bimës aloe vera e përzier me jogurt mban në nivel shkëlqimin natyral të lëkurës duke ofruar freski dhe duke reduktuar shenjat e padëshiruara.
Kosi i trashë mund të kombinohet me pak mente për ndjesi të butë e freski në fytyrë.
Maska me mjaltë dhe domate mund të jetë shumë e mirë për mbrojte të lëkurës pasi edhe mjalti edhe domatet janë të pasur me antioksidant të fuqishëm që e mbrojnë lëkurën nga radikalet e lira dhe ofrojnë freski e teksturë pa njolla.
Maska me erzën sandalwood dhe ujë trëndafili do ta qetësojë lëkurën duke reduktuar puçrrat e vogla dhe duke rritur shkëlqimin natyral. Uji i trëndafilit largon yndyrën e tepërt që mblidhet në fytyrë kur moti është i nxehtë.
Edhe maska me jogurt e copa shalqiri do të ofrojë shumë të mira për lëkurë. Përveç që e bën atë të shkëlqejë, shalqiri që përmban vitaminën C do ta bëjë të shndrisë duke larguar edhe njollat e pa dëshiruara. Kjo maskë është e mirë për lëkurë të yndyrshme.
