Një libër i huazuar nga një bibliotekë në Helsinki është kthyer 84 vjet më vonesë.
Një përkthim i novelës “Refugjatët” i Arthur Conan Doyle u mor nga biblioteka qendrore e Helsinkit “Oodi”.
“Data e fundit për kthim ishte 26 dhjetor 1939”, ka thënë bibliotekistja Heini Strand.
Strand ka thënë se kur librat kthehen pas kaq shumë kohësh zakonisht bëhen nga personat që kërkojnë nëpër gjësendet e të afërmve të tyre të vdekur dhe i gjejnë aty.
“Njerëzit duan ta bëjnë gjënë e duhur dhe ta kthejnë librin që është pronë e bibliotekës... kjo është e bukur”, ka thënë ajo, shkroi Guardian.
Një shpjegim logjik për moskthimin e librit mund të ketë qenë se afati i binte një muaj pas pushtimit të Finlandës nga ish-Bashkimi Sovjetik, nëntor 1939. Lufta mes Finlandës dhe ish-Bashkimit Sovjetik zgjati deri në mars 1940, kur u nënshkrua një traktat paqeje, duke e detyruar Finlandën të bënte lëshime të konsiderueshme tokash.
