Dy burra janë dënuar për vjedhjen e një tualeti të artë me vlerë rreth gjashtë milionë euro, në një grabitje që zgjati pesë minuta në Pallatin Blenheim në shtator të vitit 2019.
Michael Jones, 39 vjeç, u shpall fajtor për vjedhje, ndërsa Fred Doe, 36 vjeç, u dënua për përpjekjen për të shitur arin e vjedhur, pas vendimit të Gjykatës së Oksfordit të martën.
Ata përballen me mundësinë e viteve në burg së bashku me James Sheen, 40 vjeç, i cili u deklarua fajtor për vjedhje në një seancë të mëparshme.
I pandehur i katërt, Bora Guccuk, 41 vjeç, u shpall i pafajshëm për konvertimin ose transferimin e pasurisë kriminale.
Pavarësisht hetimit pesëvjeçar, policia ende nuk ka gjetur arin e vjedhur dhe tre hajdutët e tjerë që dyshohet se ishin të përfshirë.
Pallata Blenheim është Vend i Trashëgimisë Botërore të UNESCO-s në veri të Oksfordit. Është i njohur si shtëpia e familjes Marlborough dhe vendlindja e Winston Churchillit, ish-kryeministrit të Mbretërisë së Bashkuar. Ky pallat është një nga ndërtesat më të mëdha të stilit barok në Britani.
Sot, Pallati Blenheim është atraksion turistik, përdoret për evente dhe festivale, dhe mbetet simbol i trashëgimisë britanike.
