Një gjykatë në Belgjikë shpalli të pafajshëm një burrë në një rast drejtimi të veturës në gjendje të dehur për shkak të një sindrome që krijon alkool në trupin e tij.
Sipas gjykatës, duket se as vetë shoferi nuk e dinte se e kishte sindromën.
"Duket se ai burrë nuk ka shfaqur kurrë simptoma, që ai nuk mund t'i kishte ditur. Prandaj, u vendos se burri ishte në një situatë force madhore”, ka thënë avokati i shoferit, Anse Ghesquiere, raporton AP.
Gjykata megjithatë paralajmëroi shoferin se ai do të mbajë përgjegjësi herën tjetër nëse një test frymëmarrjeje të tregojë nivele të larta të alkoolit në trupin e tij, ndërsa ai është duke e drejtuar veturën.
"Nëse ai tani ndalohet nga policia dhe bën një test pozitiv të frymëmarrjes, atëherë do të ketë pasoja," shtoi Ghesquiere.
