Modelja australiane, Leah Halton, ka shkaktuar “trazira” në TikTok. Në një video ajo ka arritur të marrë më shumë se 20 milionë pëlqime e askush nuk po arrin ta kuptojë përse ka ndodhur kjo.
Në videon e publikuar ajo shihet duke qëndruar fillimisht afër telefonit e më pas duke u larguar e duke kënduar në veturë. Videoja e zakonshme ka marrë 190 milionë shikime.
Shumë njerëz tani kanë kthyer në trend videon duke incizuar veten nga afër e më pas duke kënduar e duke qeshur, pasi s’po arrijnë ta kuptojnë numrin e jashtëzakonshëm të shikimeve dhe pëlqimeve që ka marrë modelja.
Leah është modele 23-vjeçare nga Australia. Është e njohur për ndikimin në rrjete sociale. Ka mbi 3.5 milionë ndjekës në TikTok, një milion në Instagram e rreth 1.2 në YouTube.
Në vazhdimësi ajo i njofton ndjekësit për përditshmërinë si modele.
