Edona Reshitaj, pas roleve të shumta në teatër, paralajmëron edhe koncert

Ajo është energjike në skenë, e gatshme për sfidat e transformimit në role të ndryshme dhe armë e saj e fortë është edhe zëri.

Potenciali artistik i Edona Reshitajt u pa në tri nga katër shfaqjet premierë të Teatrit Kombëtar të Kosovës gjatë vitit 2019, raporton “Express” i KTV-së.

Aktorja ndan eksperiencën e saj në shfaqjet “Karnavalet e Korçës, “Sfinga e gjallë” dhe “Shfaqja e fundit e Marie Gjonit”. Me këto projekte, shënoi rikthimin e hovshëm në skenën teatrore.

Krahas rikthimit në teatër, ajo po bëhet gati edhe për pjesën e fundit të trilogjisë që përfshin filmat “Zonjusha” dhe “Diamanti”.

Profili artistik i Edona Reshitajt kompletohet me potencialin e saj vokal. Ajo është në përgatitje të një koncerti të veçantë.

Në koncertin e parë, të titulluar “E kuqja dhe e zeza”, Edona Reshitaj përmblodhi këngë të njohura shqipe.